Reklama

Kaczczi z Nordë

Kùlturowniô

04/11/2021 15:48

To swiat wiejsczi, swiat widzóny òczama białków. Cemny, krziwdzący, bez nôdzeje na pòzmianã. Chto znaje ùtwórstwò Kristinë Léwnë, rozmieje, co mómë na mëslë. „Kaczczi”, ji slédnô pòwiesc, jidze tim szëkã. Ksążkã prawie wëdało Kaszëbskò-Pòmòrsczé Zrzeszenié. Promòcjô mia plac wczora w Mùzeùm Kaszëbskò-Pòmòrsczi Pismieniznë i Mùzyczi we Wejrowie, w ksążnicë prof. Gerata Labùdë. - To je baro dobri sztëk òd prozë. Napisóné w bëlacczi mòwie ze znankama lëtëracczi kaszëbiznë - gôdô Rómk Drzéżdżón, chtëren prowadzył wejrowską promòcjã.

Òkrasą „Kaczków” są malënczi Małgòrzatë Walasek.

Red.