Reklama

Jak za Gùlgòwsczich, a jak dzysô?

Kùlturowniô

30/10/2021 13:56

Co to znaczi kaszëbsczé? Co taczim je? Wiãcy jak sto lat dowsladë próbòwelë to pòkazac Gùlgòwscë w swòjim prawie tedë òtemkłim skansenie we Wdzydzach. Chëcze, sprzãtë, statczi, òbleczenia itd. Jich spôdkòwizna wcyg je do òbzéraniô, w naddôwkù zwielonô ze skòpicą, w Mùzeùm - Kaszëbsczim Etnograficznym Parkù.

Kò do czegò dzysô mòżemë dodac znankòwnik kaszëbsczi? Trampczi z wëmalowónyma wzorama z wësziwkã, abò przësłóné w kòntenerze z Chinów ceramiczné tasczi z nôpisã: Pùck? Pòmòc w nalezenim òdpòwiescë mòże zazdrzenié na nową, òtemkłą w tim tidzeniu, wëstôwã we wdzydzczim Mùzeùm. „Zorza” - tak jã nazwelë, pòdzelëlë na dwa dzéle, dólny ò Gùlgòwsczich i górny (na szosu) ò dzysôdniowòscë, òbëdwa w mùzealny karczmie.

P.D.