Reklama

Finał 51. kònkùrsu Rodnô Mòwa w Chmielnie

Kùlturowniô

14/06/2022 20:16

Ju 51. rôz recytatorzë z całëch Kaszëb szlë na miónczi òbczas kònkùrsu Rodnô Mòwa. Jegò finał béł 11-12 czerwińca w Chmielnie. Òbsãdzëcële pòd przédnictwã ks. Jana Perszona słëchëlë 50 ùczãstników. Nôbarżi ùwidzałë sã jima wëstãpë: Klarë Makùrôt (przedszkòla i kl. 0), Léòna Makùrôt (kl. 1-3), Jarosława Bisewsczégò (kl. 4-6), Milenë Kòsczi (kl. 7-8), Paùlënë Penkòwsczi (wëżispòdleczné szkòłë) i Martë Lidzbarsczi (dozdrzeniałi). Lëstã wszëtczich nôdgrodzonëch nalézëta na starnie òstrzódka kùlturë w Chmielnie.

Wôrtnym dzélã latosy rozegracje bëłë mùzyczno-słowné warkòwnie z Pawłã Ruszkòwsczim i kòncert tegò bëlnégò kòscersczégò artistë. Òbczas pòdrechòwaniô kònkùrsu na binie pòjawiło sã jesz karno Chmielanie.

Red.