Reklama

„Dzeckã bëc”. Zbiérk Lucynë Sorn

Kùlturowniô

28/12/2021 15:08

W lëstopadnikù 2021 rokù Mùzeùm Kaszëbskò-Pòmòrsczi Pismieniznë i Mùzyczi w Wejrowie wëdało debiutańcczi zbiérk Lucynë Sorn pt. Dzeckã bëc. Je w nim 31 dokazów namienionëch òsoblëwie dzecóm, chòc dzél tekstów je dlô starszich czëtińców. Zbiérk ilustrowóny je malënkama Natalie Klein.

Dobrzińcama wëdaniô bëła Gmina Kòsôkòwò a Jerzy Włudzik.

Lucyna Sorn òd ùrodzeniô zrzeszonô je z gminą Kòsôkòwò. Mieszkô w Mòstach, dze òd wicy jak 20 lat, robi jakno szkólnô òd wczasny edukacje. Je téż bibliotékarką, ùczi kaszëbsczégò jãzëka a… graniô w szachë. Króm tegò prowadzy szkòlowé karno „Jantarki”, je nôleżniczką mùzycznégò karna „Kosakowianie”, Kaszëbskò-Pòmòrsczégò Zrzeszeniô a gminową radną. Wespól z Teresą Czerwińską i Aleksandrą Pająk zrëchtowa ùczbòwniczi Z kaszëbsczim w szkòle.

Jakno pisôrka zadebiutowa w antologie wiérztów dlô dzecy E. i E. Prëczkòwsczich Mësla dzecka (2001). Ji dokôzë pùblikòwóné téż bëlë w cządnikù „Pomerania” a „Zymkù”. Wiele kaszëbsczich tekstów Lucynë Sorn je szerok znónëch na Kaszëbach, a wëzwëskiwónëch w szkòlowi robòce. Ji tekstë są téż spiéwóné bez karno „Kosakowianie”.

[Tekst z òbkłôdczi:]

Red.

Krëjamné Gòdë

Platczi sniegù lecą,

gwiôzdë jasno swiécą,

Matka Sëna rodzy,

drëch sã z drëchã gòdzy.

To krëjamné Gòdë, mrozny, biôli czas,

zmieni swòje żëcé, Bóg Cë dôwô znak.

Jezës w szopie leżi,

król ze zlotã bieżi,

gwiôzda gò prowadzy,