Reklama

Dwadzestô trzecô edicjô Òglowopòlsczégò Lëteracczégò Kònkùrsu miona Jana Drzéżdżona [Lësta nôdgrodzonëch]

Kùlturowniô

27/09/2022 11:01

Dwadzestô trzecô edicjô Òglowopòlsczégò Lëteracczégò Kònkùrsu miona Jana Drzéżdżona òstała ùroczësto pòdrechòwónô 24 séwnika w sedzbie òrganizatora, to je w Mùzeùm Kaszëbskò-Pòmòrsczi Pismieniznë i Mùzyczi we Wejrowie.

Òbsãdzëcelama bëlë latos: prof. Duszan Vladislav-Pażdżersczi (przédnik kòmisje), Bògùmiła Cërockô i Róman Drzéżdżón. Òkróm tradicjowëch kategóriów: pòezje, prozë i ùsôdzków na binã bëła téż leżnosc do zrëchtowaniô tłómaczeniô na kaszëbsczi ùkrajińsczich wiérztów aùtorstwa Tarasa Szewczenczi.

Hewò lësta wszëtczich nôdgrodzonëch:

Pòezjô:

1. Adela Kùjik-Kalinowskô, Meditacje nad Gangesã
2. Mateùsz Radzejewsczi, Ópka ë drôbka
3. Ana Różk, Òna

Òpòwiôdanié abò esej

2. Kristina Léwna, Króm
3. Aleksandra Majkòwskô, Włosë
3. Adóm Lubòcczi, Mëslë ò daleczi wanodze

Dokazë na binã:

1. Dark Majkòwsczi, Kwasné gùrczi
3. Hana Makùrôt-Snuzëk, Stôri człowiek ë strach

Tłómaczenié:

1. Dark Majkòwsczi
3. Kristión Turzińsczi

Razã z rozrzeszenim lëteracczégò kònkùrsu bëło czile jinëch wëdarzeniów sparłãczonëch z jegò patrona, m.jin. promòcjô nônowszégò „Zymkù”, jaczi je dedikòwòny „Janowi Drzéżdżonowi w 30. roczëznã smiercë”.

Na zakùńczenié bëło òtemkniãcé wëstôwkù namienionégò pisarzowi z Domôtowa pt. „Wanoga piórã”.

Red.