Reklama

Ò pòlskò-niemiecczi grańcë

Kùlturowniô

16/11/2021 15:46

Òd pòwiatów pùcczégò, bez wejrowsczi, lãbòrsczi, kòscérsczi, bëtowsczi jaż do chònicczégò i dali na pôłnié szła pòlskò-niemieckô grańca z midzëwòjnowëch czasów. Jak sã wësztôłcëła, co z ni òstało do najich czasów i jak fónksnérëje w kùlturowi pamiãcë lëdzy, chtërny kòl ni mieszkelë? Na te i jinszé pitania òdpòwiédz chce nalezc karno badérów ze Słëpska i Gduńska pòd czerënkã prof. Cezarégò Òbracht-Prondzyńsczégò, prezesa Kaszëbsczégò Institutu. Realizëje òna projekt pòd titlã: „Pòlskò-niemieckô grańca na Pòmòrzu (1920-1939): historiô - pamiãc - szlach w rëmie” financowóny z Centrum Badérowaniów Niemiecczi Mniészëznë w Òpòlu. W jegò òbrëmim òdbëłë sã ju trzë seminaria. Òstatné w rujanie. Tej ùczałi òdwiedzëlë Nôdolé, Żarnówc, Piôsznicã i Wejrowò.

Pòdrechòwanié projektu jakno mònografiô ùkôże sã w przińdnym rokù.

Red.