Reklama

Wespółdzejaniô kaszëbsczégò jãzëka ze sztëczną inteligencją

Kùlturowniô

07/09/2023 21:11

Òb czas slédnégò zéńdzeniô nôleżników Radzëznë Kaszëbsczégò Jãzëka (25-26.08) jedną òd témów bëło ùsadzenié kòrpùsu kaszëbiznë, to je zebranié jak nôwicy tekstów z rozmajitëch zdrzódłów i danié do nich przistãpù badéróm, pisarzóm i wszëtczim chãtnym. Taczé kòrpùsë mô dzysô wikszosc jãzëków i są òne wiôlgą pòmòcą w jich rozwijanim i pòznôwanim.

Stwòrzenié kòrpùsu dô téż mòżlëwòtã lepszégò wespółdzejaniô najégò jãzëka ze sztëczną inteligencją. Nôleżnikóm Radzëznë òpòwiôdelë ò tim ùczałi z Wrocławsczi Pòlitechniczi – Adóm Serakòwsczi i Wiktór Walentinowicz, chtërny wëgłosëlë referat pt. Modelowanie języka kaszubskiego na potrzeby sztucznej inteligencji i rzeklë ò swòjich dzejaniach zrzeszonëch z kaszëbizną na pôłniowòpòlsczi ùczbòwni.

Red.