Reklama

Trzë dekadë piãknëch strofów

Kùlturowniô

29/10/2021 12:30

Pisze wiérztë, tłomaczi, recytëje, ùczi - Ida Czajinô. Prawie dosta Kaszëbską Nôdgrodã Lëteracką Wiater òd Mòrzô za 2020 r. Ji pòezjã czëtómë ju wiãcy jak trzë dekadë, kò ùsôdzô téż prozã. Debiutowa w pismionie „Tatczëzna”. W dokazach I. Czajinë Kapitule Nôdgrodë òsoblëwie widzało sã mądré a òbszczãdné nazéwanié nôbarżi sztormistëch emòcjów i prostëch pòtrzébów człowieka: bezpiekù, krótkòscë drëdżégò a szukanié za tim, co dôwô cwëk żëcémù nié leno tuwò a terô. Pòdczorchnãła téż ji starã a bezùstônkòwą robòtã nad pòeticczim szëkã, prawie to cygnie ùdałé tłomaczenia m.jin. Lesmiana i Norwida.

Donëchczôs KNL (za pisanié pò kaszëbskù) dostelë Stanisłôw Janka, Kristina Léwna i ks. Adóm Sykòra.

Miesãcznik „Pòmerania" szëkùjë dłëgszi tekst ò laureatce i latosy KNL - bãdze w lëstopadnikòwim numrze.

P.D.