Reklama

Rëbacczi swiat wëżłobiony dłótã Léòna Gòllë

Kùlturowniô

17/10/2023 19:20

Jegò dokazë są òsoblëwé. Razné, niemalowóné, niekònieczno propòrcjonalné, kò mòcno przëcygają òczë, pòdskacają wëòbrazniã. Żłobiôrz jak mało chto rozmiôł pòkazac w kawałkach lëpë prosté rëbacczé żëcé. Swòje rzezbë przedôwôł m.jin. òb lato we Wiôldżi Wsë, w jaczi mieszkôł. Niejedny gôdają, że prawie temù nôwiãcy jich pòjachało do NRD, bò letnicë z tegò państwa rôd je tam kùpialë.

W 100. roczëznã ùrodzënów Mùzeùm Pùcczi Zemi rëchtëje wëstôwk ùtwórstwa L. Gòllë (1923-1992). Dodôwkã do ekspòzycje je fòlder-kòmiks. Dzél to wspòmink ò artisce, dzél òbrôzkòwô òpòwiôstka (pò kaszëbskù), w jaczi bòhatérama są rzezbë L. Gòllë. Wernisaż 19.10., gòdz. 4 pò pôłnim (szpëtôlëk).

Red.