Reklama

„Osadnicy” z Przédną Nôdgrodą

Kùlturowniô

01/11/2023 17:38

14. rôz na binie Cassubia Cantat muzyczné karna prezentérowałë, jak rozmieją nawlekac do kaszëbsczi tradicje. Jak wiedno bëło fòlkloristiczno, fòlkòwò, rockòwò, nawet pòwôżno. Kò juri Przédną Nôdgrodã Festiwalu dało Òsadnikóm z NDG. Karno z Zëlawë, kònkretno z Nowégò Gduńsczégò Dwòru, sparłãczëło „Dziady” Adama Mickewicza z kaszëbizną. Karno, jak na Cassubiã baro wiôldżé (wierã nôwiãkszé z wszëtczich edicjów CC), skłôdô sã z dzecy, młodzëznë a dozdrzeniałëch. Chùr, soliscë, mùzykańcë. Chòcbë dlô tegò wëstãpù 28.10. bëło wôrt sadnąc przed biną Bëtowsczégò Dodomù Kùlturë. Nôdgrodã - 3,5 tës. zł - ùfùndowôł marszôłk wòjewództwa.

Red.

Reklama