Reklama

Do czëtaniô òb zëmòwi czas. Stëcznikowô „Pòmeraniô”

Kùlturowniô

28/01/2023 21:26

Ju je stëcznikòwi numr „Pòmeranie”. A w nij:

W gòdnikù na Zjôzdze Delegatów òstôł wëbróny przédnik Kaszëbskò-Pòmòrsczégò Zrzeszeniô. Òstôł nim na pòstãpną kadencjã Jón Wërowińsczi.

Przédnô Radzëzna Kaszëbskò-Pòmòrsczégò Zrzeszeniô ùchwôla rok 2023 rokã Antoniégò Ôbrama. W numrze czile słowów ò ti pòstacëji.

W internece rëgnãła Kaszëbòpedia. Ò projekce gôdô prof. Cezary Òbracht-Prondzyńsczi.

Ósmy Pelplińsczi Areòpag béł namieniony ks. dr. Frãcëszkòwi Sawicczémù. Wiôldżi, chòc mało znóny pòmòrsczi filozof.

Wicy jak 150 méstrów czëtaniô z 11 pòwiatów pòtkało sã w mùzeùm Wejrowie na kònkùrsu Méster Bëlnégò Czëtaniô. To bëło swiãto kaszëbsczi lëteraturë.

Zuzanna Glëszczińskô z Lëpińc nôlepi napisała maturã z kaszëbsczégò. Jak sã ù ni zaczãła miłota do kaszëbiznë je do przëczëtaniô w stëcznikòwi „Pòmeranie”.

„Kùlturowniô bëła tej próbą òdpòwiedzeniô na pitanié, kùli je lëdzy, co chcą czëtac ò kùlturze pò kaszëbskô” - gôdô przédny redaktór negò pòrtalu w całoscë pò kaszëbskù. Ò zaczątkach a dzejaniô wicy w „Pòmeranie”.

Do przeczëtaniô je téż historia białków. Syberijsczi wspòmnienia Marie Dąbrowsczi z Kartuz i wòjnowò-òbòzowi z Pòtulëców Jadwidżi Górecczi z Gdinie, a do te historia Annë Wandë Wãsersczi w òbrëmienim projektu Kaszëbsczi Spikrz Pamiãcë.

Pò wicy mùszi sygnąc do cządnika „Pòmeraniô”.

Red.