Reklama

Nié leno bańtkòwô, nié leno klôr

Kùlturowniô

22/01/2023 16:20

Pòstãpné kaszëbsczé jestkù wpiselë na lëstã Tradicyjnëch Produktów, co jã prowadzy Minysterstwò Rolnictwa (5.01.2023 r.). Jidze ò bańtkòwą zupã. W òpisu pòdelë, że je to wnet przezdrzélny rosół òd rëbë. I to prôwdã, kò leno w pòłowie. Tec na Kaszëbach taczi rëbòwé rosołë wiedno warzą na dwa mòdła – klôr (przezdrzélny) i biôłi (bielony smiotaną, mąką). Na Élsczim Półòstrowie nen drëdżi nazéwają „milsz”. I tak je téż z bańtkòwą zupą.

Klôr nié klôr, milsz abò biôłô jak nama rzekł przedstôwca „Kùlturownie” w Jastarnie Riszu Struck, jestkù ùwarzoné na bańtcë rëbôcë, a to je jich zupa, jedzą òb lato. To je czas łowieniô bańtków, a rëba mùszi bëc baro swiéżô. Nôpierwi warzi sã we wòdze ògardowiznã: cëbùlã, kòrzenie òd piotrëszczi, selera a marchwie. Dlô szmakù nôlégô doprawic kùbabą. Dopiérze pózni dodôwô sã rëbã, bò ta chùtkò robi sã mitkô. Kùreszce mòże zabielëc. Niejedny pòdôwają z bùlwama, jiny bùlwë stôwiają na drëdżi talérz.

Tej chcemë dożdac do lata!

Red.