Reklama

Na zwãk stôrégò zwònu

Kùlturowniô

12/09/2022 10:10

To baro stôri zwëk. W Jastarnie, w samim sercu Bòru, stoji niewiôlgô kaplëczka swiãti Rozalie,co bróni òd wszelejaczich pòszëdłów. Rok w rok, w pierszą niedzelã séwnika, je tu òdprôwiónô mszô swiãtô. I tak ju wiãcy jak trzë stalata. Zaczãło sã w latach 1709-1711, czej w Jastarnie a Bòrze żniwò zbierała dżuma. Jednym razã do Bòru przëszedł katolëcczi ksądz, chcôł pòmòc ùmãczonym pòszëdłã Rëbôkóm. Pòdpòwiedzôł, żebë lëdze òddelë sã w òpiekã sw. Rozalie. Niewiele bawiło a chòrosc szła précz. Tej wdzãczny mieszkańcowie na flachù, gdze ksądz jich spòwiôdôł, pòstawilë sztaturã sw. Rozalie. Pózni, tj. w 1883 r., wëmùrowelë kaplëczkã. Na nôbòżeństwa, òdprôwióné òd 1711 r., rôczi zwãk zwònu, co gò w XIX w. wzãlë z òkrãtu, jaczi niedalek wchôdôł na mielëznã. W 2001 r. kaplëczka òdłonilë, spùscëlë téż drzewa, co krótkò rosłë, bò jich kòrznie psëłë ji fùńdameńtë. Przë leżnoscë òdkrëlë, że pierwi kaplëczka bëła z glënë, w naddôwkù czile razów òdbùdowiwónô.