Reklama

„Rojenié ò normalnoscë” - wiérzta Matisa Klebbë

Kùlturowniô

04/10/2021 08:29

Latosy kònkùrs m. Jana Drzéżdżona je ju rozrzeszony. Jednym z dobiwców je Matis Klebba.

Rojenié ò normalnoscë

Tak baro bë jem chcôł,
cobë:

dozdrzelë we mie éwiné dzeckò
nié òkropã pòlëce szôrëch tribików

zmerkelë we mie mòk codniowòtë
nié zwënédżi mòjich rąk
kòchelë we mie niedoskònałotã ùtwórcë
nié to, co mògã dac

Jem pòjmańczikã włôsny sôdzë
z jaczi nie wiém radë
ùdostac samégò se
zamknãlë – zamknął jem sã sóm
nie jem człowiekã
nie je mie wòlno
nibë wiôlgòsz bùtnowégò pòzdrzatkù
nôwikszim wachtôrzã
prôwdë zamkłi w amfòrã
jakô nie je swiątnicą dëcha
jiże nie wié radë nicht
widzec tegò
w co nie wierzi

jem dlô se widã dwanôsce tôflów
szczitã dzesãc przëkôzaniów
nie dozwôlają mie – nie dozwôlóm so
na zmiłkã
mòją felą je bëcé
człowiekã bez felów

Klebbów Matis